The Planet D туристтик сайтынын негиздөөчүлөрү Дейв жана Дебра Корбеилдер август айында Кыргызстанга келип, өлкө тууралуу көз жоосун алган видео тартышкан. Жубайлар аталган роликти интернетке жарыялашты.
Дейв менен Дебра 10 жыл ичинде 107 өлкөнү кыдырууга жетишкен.
"Кыргызстан Улуу Жибек жолундагы негизги өлкөлөрдүн бири болгон. 1991-жылы эгемендик алгандан кийин бир топ өзгөрүүлөр болуптур. Эки революция жана экономикадагы каатчылык… Өлкө эми гана эс алуу үчүн дүйнөдөгү эң кооз жер экенин жар салууда", — деп жазган блогер.
Канадалык үй-бүлө өзүнүн Instagram баракчасына дагы Кыргызстанда тартылган сүрөттөрдү жарыялаган.
Саякатка арналган The Planet D сайты 2008-жылдан баштап иштеп келет.
