Эшенбаев: шаардагы төрт мектепте капиталдык ремонт жүрүп жатат
Борбор калаадагы төрт мектепте капиталдык ремонт жүрүп жатат. Бул тууралуу Бишкек мэриясынын Капиталдык курулуш башкармалыгынын башчысы Нурлан Эшенбаев Sputnik Кыргызстан радиосуна маек куруп жатып билдирди.
Анын айтымында, бир канча мектептин чатыры оңдолуп, жылуулук түтүктөрү алмаштырылды.
"Быйыл биз эки мектепти эксплуатацияга бердик. Мындан сырткары, учурда төрт мектепте капиталдык оңдоп-түзөө иштери жүрүп жатат. Бул мектептер авариялык абалда болгондуктан окуу процесстери токтотулган эле. Булар №10, 25, 28 жана 44 мектептер. Каражат шаардык бюджеттен жумшалды", — деди Эшенбаев.
Ал төрт мектептин арты менен 2800 окуучулук орун калыбына келерин кошумчалады.
