БИШКЕК, 17-сен. — Sputnik. Дүйшөмбү күнү өлкөнүн айрым аймактарында кыска мөөнөттүү жамгыр жаап, тоолорго кар түшүшү күтүлүп жатканын Кыргызгидромет кабарлады.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Чүй менен Таласта абанын температурасы 22…27 градускка чейин жылыйт. Ош, Баткен жана Жалал-Абад облустарында 24…29 градус жылуу болот. Ысык-Көлдө 18…23, ал эми Нарында 21…16 градус жылуу болушу күтүлүп жатканы айтылды.
Бишкекте күндүн табы 25…27, Ош шаарында 27…29 градус ысык болот.
