БИШКЕК, 17-cен. — Sputnik. Амур облусунда алты жашар бала токойдон 18-кылымга таандык алтын тыйындардын тобун таап алгандыгын Sputnik Молдова жазып чыкты.
Маалыматка ылайык, бала ата-энеси менен пикникке чыккан. Ал жолдон ажатканага баргысы келгендиктен атасы күрөк берип "жерди казып заара кылып, кайра көмүп кой" деп токойго жиберген.
Бала атасы айткандай чуңкур казып жатып алтын тыйындар салынган чүпүрөк таап алган. Уулу кенч тапканын түшүнгөн ата-эне тийиштүү адистерге кайрылган.
Музей кызматкерлери тыйындарды тарыхый баалуулук экенин айтып, 18-кылымга таандык экенин тастыкташкан.
Табылган кенчти бул үй-бүлө мамлекетке өткөрүп бергени үчүн баласы мактоо баракчасы жана 500 миң рублдин тегерегинде акчалай сыйлык менен сыйланган.
