БИШКЕК, 11-сен. — Sputnik. Ысык-Көлдүн Чоң-Ак-Суу капчыгайында чыккан өрт толугу менен өчүрүлгөнүн ӨКМ билдирди.
Өрт 10-сентябрда саат 14.30да чыккан. Тилсиз жоону өчүрүүгө ӨКМдин 43 кызматкери жана жакынкы айылдардан 20 киши тартылган.
Жекшемби күнү бир гектар жердеги өрт өчүрүлгөн. Түндө өрт өчүрүү аракеттери токтоп, таңкы саат 6:30да кайтадан уланган. Ал эми толугу менен саат 16.00дө өчүрүлгөн.
Алдын ала маалыматтар боюнча 4-5 гектардагы куураган чөп күйүп кеткен. Өрттүн келип чыгуу себептери такталып жатат.
