БИШКЕК, 10-сен. — Sputnik. Kumtor Gold Company ишканасынын менеджменти өзгөртүлүп, беш директордун үчөө Кыргызстандан боло турган болду. Бул тууралуу премьер-министр Сапар Исаков ишемби күнү "Кумтөр" кенинин ишмердүүлүгү менен таанышуу учурунда билдирди.
Анын айтымында, кыргыз өкмөтү канадалык Centerra Gold Inc. компаниясы менен сүйлөшүүлөрдү жүргүзүп жаңы келишимдин долбоору даярдалган.
"Kumtor Gold Company ишканасынын учурдагы менеджменти кайра башынан каралат. Компанияда "Кумтөр" кенин башкарып турган беш департамент түзүлөт. Анын ичинен үч департаменттин директору болуп Кыргызстандын жарандары дайындалат. Алар көп жылдан бери ушул багытта иштеп жүргөн жогорку класстагы адистер", — деди Исаков.
Белгилей кетсек, азыркы тапта компаниянын менеджменти президенттен жана төрт вице-президенттен турат.
