Сыймык Бейшекеев 43 жашта. Ырчы тууралуу кызыктуу 7 факты

© SputnikЗаслуженный артист Кыргызской Республики Сыймык Бейшекеев
Заслуженный артист Кыргызской Республики Сыймык Бейшекеев - Sputnik Кыргызстан
Жазылуу
Бүгүн белгилүү ырчы жана обончу, КРдин Эмгек сиңирген артисти, Рыспай Абдыкадыров атындагы сыйлыктын ээси Сыймык Бейшекеев 43 жаштын сересинде.

Ырчы Элмира Кайып кызынын архивдик сүрөтү - Sputnik Кыргызстан
Булбулсуз өткөн бир апта. Элмира Кайып кызы тууралуу 7 факты
Мындан улам Sputnik маалымат агенттигинин журналисти Гүлдана Талантбекова Сыймык Бейшекеев тууралуу 7 факты даярдады.

Атына заты жарашкан уул. Сыймык Бейшекеев 1974-жылы 9-сентябрда Токтогул районуна караштуу Бала-Чычкан айылында төрөлгөн. 11 бир туугандын экинчиси. Атасы Токтогул Бейшекеев совет убагында айдоочу, апасы Фанара Тиленбаева мугалим болгон. Бакыт аттуу тунгуч неберелүү болгон чоң энеси экинчи небереси жарыкка келе электе эле, "кийинки уулду Сыймык коелу" деп алдын ала ысым берип койгон экен. 

Публикация от Сыймык Бейшекеев (@syimyk_beyshekeev_sbt) Май 25 2017 в 10:09 PDT

Көксөгөн согуш, оозго жеген кепич. Кичинекейинде согуш жөнүндөгү кинолорду көрүп аскер адамы болсом деп эңсеген. Балалык сезими менен "Эмнеге согуш бүтүп калган? Мен согушка барат элем" деп айтып, далай жолу чоң энесинен кепич менен оозго жеген. 6-класстан баштап комуз үйрөнүп, ырдай баштаган. Мектепте Сыймыксыз кароо-сынактар өтчү эмес.

Сакманчы болгон замандар. Мектепти аяктаган соң ырчы болом деп борборго окууга тапшырганы келип, сынактан бир ырга үнү жетпей өтпөй калган. Айылга барып 20 сотых жерге тамеки эгип, кышында сакманчы болот. Тапкан акчасына гитара сатып алып, Сары-Жон жайытына барып өзүнө-өзү концерт койчу. Ошондо "Гүлбайра" деген биринчи ыры жаралган. Кийинки жылы кайра борборду көздөй бет алып, ырдаганы кудай жалгап Улукмырза Полотовго жагып, Улуттук филармониянын алдындагы эки жылдык студияга өтүп кетет. Эки айдан кийин Эстебес Турсуналиевдин тобуна алынган. 

© Фото / Аскат МусабековЖубайы Нурзада менен
Известный певец Сыймык Бейшекеев - Sputnik Кыргызстан
Жубайы Нурзада менен

Таасир берген устаттар, тарбиялаган шакирттер. Бейшекеев кезегинде Ашыралы Айталиев, Эстебес Турсуналиев, Тууганбай Абдиев аттуу өнөр адамдарынын жанында жүрүп, чогуу гастролго чыгып баштыктары көтөрүп, сөздөрүн угуп жүрүп чоң таасир алган. Чыгармачылыгында "Көлдүк кыз", "Күзгө нөшөр", "Шириним", "Сары кыз", "Энеке", "Сүйүү, сүйүү", "Саманчынын жолу" аттуу ырлары менен элге таанылган. Өнөр чөйрөсүндө жаштар менен тажрыйбасын бөлүшүп, шакирттерин тарбиялап келет.

Байма-бай берилген концерт, ээсин тапкан унаалар. Бир гана өлкөнүн ичинде эмес, Россия аймагында жердештерге да арнап концерт коюп келет. Концерт берүүдөгү өзгөчөлүгү — авто унаа ойнотот. Өзүнүн айтымында баш-аягы 60 чукул машине ээсин тапкан. Ырчы ишкерлик менен алектенээрин жашырбайт. 

Тайбоксер из Кыргызстана Валентина Шевченко - Sputnik Кыргызстан
Дүйнөнү дүңгүрөткөн Валентина Шевченко тууралуу 10 факты
Балбан кызга арналган ыр. Ырчы былтыр эркин күрөш боюнча Рио Олимпиадасында намыс талашкан Айсулуу Тыныбековага арнап "Таазим сага, Айсулуу" аттуу ырын жараткан. Бейшекеев бул чыгарма аркылуу жалпы аялзатына, анын ичинде балбан кызга алкышын, сый-урмат, сүйүүсүн ыроологон.

Үлгүлүү үй-бүлө. Жубайы Нурзада экөө тең Токтогулдан, бирок айылдары эки башка. Бишкекте окуп жүрүп, үйгө каникулга барганда таанышкан. Улуу баласы Азамат Америкада билим алат, экинчи кызы Каныкей 9-класста окуса, кийинки уулу Кадырлуу сегизде. Көкүрөк күчүк кызы Назэрке беш жашта. Ортончу уулу атасынын жолун жолдоп, ырдап жүрөт.

Жаңылыктар түрмөгү
0