БИШКЕК, 4-сен. — Sputnik. Борбор калаадагы Токомбаев көчөсүндөгү карьерден күйүп кеткен өлүк табылгандыгын шаардык милициядан билдиришти.
"102" номуруна билдирүү түшкөндөн кийин милиция окуя болгон жерге барып, жагдайды иликтеп, сөөктү өлүкканага өткөрүп берген.
Окуянын түйүнүн иликтеген тартип сакчылары буга тиешеси бар деп ошол жерди байырлаган бир нече селсаякты суракка алышкан. Алардын бири маркумду 19 күн мурда Түштүк магистралдын аймагындагы мечиттен көргөндүгүн, ал эми кийинки күндөрү жок болуп кеткендиги айтып берген.
Сурак учурунда ал 17-августта болгон окуянын чоо-жайын айтып берди. Дал ошол карьерде маркум менен ичип отуруп, бир аздан кийин телефонумду уурдап алдың деген бөтөлкөлөшүн таяк менен чаап жиберип, эси ооп жатып калганда туруп кетип калган. Шектүү киши окуя болгон учурда алардын жанында бир нерсе күйүп жатканын кошумчалаган. Эртеси карьерге кайтып келген бөтөлкөлөшү берки адамдын күйүп кеткенин көрүп, ошол эле жерге көөмп салгандыгын айтып берген.
Милициядан тиешелүү экспертиза дайындалып, учурда иликтөө иштери жүрүп жаткандыгын кошумчалашты.
