БИШКЕК, 26-авг. — Sputnik. Кыргызстандын "Позитив" КВН командасы Казакстанда “Жайдарман” лигасынын баш байгесине ээ болду. Бул тууралуу “Ала-Тоо” аймактык лигасынын президенти Александр Ященко билдирди.
Юмор фестивалы Астананын концерттик залында өткөн. Ага Кыргызстандан тышкары Казакстан, Татарстан, Башкыртстандын командалары катышты.
Улуттук команданын оюнчулары таймаштын жагымдуу мүнөттөрүн Instagram баракчасына жүктөшкөн.
“Позитив” учурда “Ала-Тоо” лигасынын чемпиону болуп саналат.
