БИШКЕК, 23-авг. — Sputnik. Эгер Россияда иштеп жүргөн кыргыз жарандары кайтып келсе өлкөнүн сегизинчи президенти алмашып кетмек. Бул тууралуу Бишкекте өткөн "Медиа в эпоху постправды: факты против мистификаций" эл аралык борбор азия медиа форумунда эмгек сиңирген экономист Жумакадыр Акенеев билдирди.
"Эгер Россияда жүргөн 616 миң эмгек мигранттары мекенине келе турган болсо, биздин өлкө экономикасынын жумуш орундарын таап берүүгө чамасы жетпейт. Кыргызстан ЕАЭБге кириши менен Россияда биздин мекендештерге да россиялыктар менен бирдей шарт түзүлүп кенен иштеп калышты", — деди Акенеев.
Ошондой эле ал эмгек мигранттары маяналарынын көпчүлүк бөлүгүн мекенине жөнөтпөгөндө жашоо шарты алда канча жакшы болмоктугун белгиледи.
Иш-чара "Түндүк — Түштүк" саясат таануу борбору жана "Жаңы толкун — Евразия" фонду КМШ өлкөлөрүнүн гуманитардык кызматташтык боюнча мамлекеттер аралык фондусунун колдоосу менен уюштурулган.
