БИШКЕК, 21-авг. — Sputnik. Кыргызстандын көк бөрү боюнча улуттук курама командасы Астанадагы дүйнө биринчилигинде Монголия менен беттешке чыкты. Бул тууралуу Көк бөрү федерациясынан билдиришти.
Маалыматка ылайык, кыргыз улакчылары "А" тобунда Түркия, АКШ, Өзбекстан, Монголия жана Тажикстан өлкөлөрү менен күч сынашат.
Төмөндө улуттук команданын оюн талаасына чыга турган программасы.
- 21-август, 09:00: Кыргызстан — Монголия.
- 22-август, 11:00: Кыргызстан — Өзбекстан.
- 23-август, 10.00: Кыргызстан — Түркия.
- 24-август, 11.00: Кыргызстан — Тажикстан.
- 25-август, 10.00: Кыргызстан — АКШ.
- 27-август, 10.00 – 11.00 финалдык беттеш
Белгилей кетсек, Казакстанда "ЭКСПО-2017" эл аралык көргөзмөсүнүн алкагында түрк элинин салттык спортуна кирген "көкпар" (көк бөрү) оюну боюнча дүйнө чемпионаты 20-28-август күндөрү Астананын "Казанат" ат майданында өтөт.
