Шайлдабекова: коомдук кабылдамага талапкердин аты-жөнүн жазуу үгүт ишине кирбейт
Коомдук кабылдамаларга президенттикке талапкердин ысымынын жазылышы үгүт иши деп эсептелбейт. Бул тууралуу Борбордук шайлоо комиссиясынын төрайымы Нуржан Шайлдабекова Sputnik Кыргызстан радиосуна маек куруп жатып билдирди.
"Бүгүнкү күндө президенттикке талапкерлердин аты-жөнү штабга же коомдук кабылдамаларга жазылып жатканы мыйзам бузууга жатпайт", — деди Шайлдабекова.
Эске сала кетсек, Кыргызстандын өлкө башчысын шайлоо үстүбүздөгү жылдын 15-октябрына белгиленген.
