Радиостудия Sputnik Кыргызстан в Бишкеке - Sputnik Кыргызстан
Радио

Ниязов: Көк бөрү федерациясы мени улуттук командадан күтүүсүз жерден чыгарды

© Фото / федерация кок-бору КРУлакчы Манас Ниязов
Улакчы Манас Ниязов - Sputnik Кыргызстан
Жазылуу
Улакчы Манас Ниязов эмне болгон күндө да Көк бөрү федерациясынын чечимин сыйлай турганын айтты.
Ниязов: Көк бөрү федерациясы мени улуттук командадан күтүүсүз жерден чыгарды

Манас Ниязов аны командадан чыгаруу боюнча федерациянын чечими күтүүсүз болгонун Sputnik Кыргызстан радиосуна маек куруп жатып билдирди.

Эске сала кетсек, Казакстанда "ЭКСПО-2017" эл аралык көргөзмөсүнүн алкагында түрк элинин салттык спортуна кирген "көкпар" (көк бөрү) оюну боюнча дүйнө чемпионатына катышуу үчүн Кыргызстандын курама командасы 15-август күнү Астанага барган. Анткен менен буга чейин тизмеде жүргөн эң күчтүү оюнчулардын бири Манас Ниязов командадан чыгып калган.

"Улуттук курама команда менен чогу эле оюнга даярданып жүргөм. Бирок жолго аттанууга эки-үч күн калганда мени командадан чыгарып коюшту. Казак тарап мени келбесин деген кептерди да угуп жатам. Канткен күндө да бул Көк бөрү федерациясынын чечими болду да. Демек алардын чечимин сыйлашыбыз керек. Бирок барсам жакшы болмок. Кыргызстандыктардын жеңиш менен келишине үмүт артам!" — деди Ниязов.

Ал улуттук курамда былтыртан бери ойноп келгенин кошумчалады.

Жаңылыктар түрмөгү
0