БИШКЕК, 10-авг. — Sputnik. Instagram социалдык тармагынын ээлери жаңы функцияны тестирлөөдөн өткөрүп жатканы фотосервистин расмий сайтына жарыяланды.
Эми Instagram колдонуучулары экиден биригип түз трансляция кыла алышат. Тагыраагы, бир колдонуучу түз эфир учурунда дагы бирөөнү эфирге чакырып, башкалар экиге бөлүнгөн экрандан экөөнү бирдей көрө алышат. Ал эми комментарийлерди жазуу шарттары мурдагыдай эле калтырылды.
Ошондой эле түз трансляцияны демилгелеген киши экинчисин өчүрүп салып, анын ордуна башка колодонуучуну кошо алат.
Жакынкы айларда кеңири колдонууга берилчү бул функцияны учурда саналуу гана адамдар пайдаланып жатат.
