БИШКЕК, 9-авг. — Sputnik. Кыргызстандын эркин күрөш боюнча улуттук курама командасы август айында Францияда өтө турган дүйнө биринчилигинде ат салышарын Жаштар иши, дене тарбия жана спорт боюнча мамлекеттик агенттик билдирди.
Маалыматка ылайык, чемпионат 23-27-август күндөрү өлкөнүн борбор калаасы Париж шаарында болот. Кыргызстандын командасы таймашка төмөндөгү курамда аттанмакчы:
- Улукбек Жолдошбеков, 21 жашта, эл аралык класстагы спорт чебери, 57 килограммга чейинки салмак категориясы;
- Алибек Осмонов, 21 жашта, эл аралык класстагы спорт чебери, 61 килограммга чейинки салмак категориясы;
- Эламан Доктурбек уулу, 24 жашта, эл аралык класстагы спорт чебери, 70 килограммга чейинки салмак категориясы;
- Саякбай Усупов, 22 жашта, спорт чебери, 74 килограммга чейинки салмак категориясы;
- Руслан Маджинов, башкы машыктыруучу;
- Сүймөнкул Табылды уулу, улук машыктыруучу;
- Адылбек Невреев, дарыгер;
- Муслим Евлоев, резерв.
Агенттиктин берген маалыматы боюнча Спорттун олимпиадалык түрлөрү боюнча дирекциянын бюджетинен 1 миллион 234 миң сом бөлүндү.
