БИШКЕК, 6-авг. — Sputnik. Тегеран шаарында кечээ Ирандын экинчи мөөнөткө шайланган президенти Хасан Роуханинин инаугурациясы болду. Бул туурасында РИА Новости жазды.
Иран мамлекетинин башчысына шайлоо 19-майда өткөн.
Буга чейин, 3-августтаинаугурациянын биринчи этабы болуп, анда Ирандын аятолласы Али Хаменеи шайлоонун жыйынтыгын таанып, аны президенттик кызматка бекиткен.
Парламенттин сайтынан алган маалыматтарга караганда, инаугурацияга 92 өлкөдөн келген коноктор катышты.
Ирандын президентин шайлоо 2017-жылдын 19-майында болуп, 57 пайыз добушка ээ болгон мамлекет башчысы Хасан Роухани экинчи мөөнөткө шайланган.
Анын атаандашы өлкөнүн мурдагы Баш прокурору Ибрахим Раиси 38 пайыз добушка ээ болгон.
Кыргызстандын Тышкы иштер министрлигинин маалыматына караганда, инаугурацияга аталган министрликтин жетекчиси Эрлан Абдылдаев баштаган делегация катышты.
