БИШКЕК, 4-авг. — Sputnik. Мамлекеттик салык кызматынын өкүлдөрүнүн спартакиадасы Нарында башталганын мекеменин маалымат кызматы билдирди.
Аталган спорттук мелдеш жыл сайын Кыргызстандын ар аймагында өткөрүлүп, быйыл Нарында уюштурулган. Спартакиадага Кыргызстандын жети облусундагы жана Бишкек менен Ош шаарындагы салыкчылар катышууда.
Мелдештин салтанаттуу ачылышына Нарын облусунун жетекчиси Аманбай Кайыпов менен шаар мэри Эмилбек Алымкулов жана башкалар катышты.
Салыкчылар спорттун сегиз түрү — волейбол, мини-футбол, шахмат, стол тенниси, аркан тартыш, тогуз коргоол, бильярд жана жеңил атлетика боюнча күч сынашат.
Белгилей кетсек, былтыр салыкчылардын спорттук мелдеши Ош шаарында өткөн.
