БИШКЕК, 4-агв. — Sputnik. Бишкек мэриясы аз камсыз болгон жарандарга бекер көмүр берилерин маалымдады.
Билдирмеге караганда, Ленин районундагы жардамга муктаж үй-бүлөлөргө жыл сайын көмүр берилип келет.
"Кышка карата Ленин районундагы аз камсыз болгон 1478 үй-бүлөгө жардам берүү үчүн 2218 тонна көмүр сатып алынды. Ошондой эле 2017-2018-жылкы жылытуу сезонуна карата 168 адамга бекер отун берилди", — деп айтылат маалыматта.
Учурда пенсионерлер менен майыптарга көмүрдү жеткирүү иштери башталды.
