БИШКЕК, 3-авг. — Sputnik. "Зеленстрой" ишканасынын кызматкерлери тарабынан шаарды көрктөндүрүү иштери уланууда. Бул тууралуу мэриянын маалымат кызматы кабарлады.
Билдирүүгө караганда, шаарда сугарууга муктаж өсүмдүк ээлеген жалпы жер 680 гектарды түзөт.
"Сугаруу иштери аба ырайына жараша 1-ноябрга чейин уланат. Ирригациялык түйүндөргө күнүнө секундасына 200 литр суу, ал эми күн ысыкта 3500 литр суу кетет. Сууну "Зеленстрой" "Аламүдүн","Ала-Арча" жана Чыгыш ЧЧКдан алат", — деп жазылат маалыматта.
Мындан сырткары, аталган ишкана арыктарды, көпүрө өтмөктөрүн да тазалап жатат. Андыктан шаар тургундарын арыктарга таштанды таштабоого чакырып, таштандынын айынан арыктар толуп, суу ашып көчөнүн каптап жатканын белгилейт.
