ЕАЭБдин техникалык регламенти Кыргызстандын мыйзамы менен шайкеш келтирилген. Бул тууралуу Айыл чарба министрлигинин азык-түлүк жана кайра иштетүү өнөр жайы бөлүмүнүн башчысы Адамбек Ботоев Sputnik Кыргызстан радиосуна маек куруп жатып билдирди.
Эскерте кетсек, 12-августтан тартып Кыргызстан Евразиялык экономикалык биримдиктин техникалык регламентине өтөт.
"Айыл чарба, тамак-аш өнөр жайы жана мелиорация министрлиги Экономика жана Саламаттык сактоо министрликтери менен биргеликте эки жылдан бери техникалык регламентти актуалдаштыруу боюнча иш алып барып келет. Биримдикке мүчө мамлекеттердин ар бири менен видеоконференцияларды өткөрүп, талдап, баарын шайкеш келтирдик", — деди Ботоев.
Кыргызстан Евразиялык экономикалык биримдиктин курамына 2015-жылы кирген.
