Кыдырмышев: федерациянын ишин алып кете аламбы деп кооптонгом
Руслан Кыдырмышев Sputnik Кыргызстан маалымат агенттигине берген маегинде федерациянын ишин алып кетүү жоопкерчилигинен кооптонгонун билдирди.
"Жетекчи болгонго чейин спортчуларга жардам берип келгем. 2011-жылы аралаш мушташтын бразилиялык версиясы "Валетудо" федерациясынын вице-президенти болгом. 2014-жылдын 3-октябрында "Кулатуу эр таймаш" федерациясына президентикке сунушташканда улуттук спортту дүйнөлүк масштабга чыгаруу оор иш деп жоопкерчилик алгым келген эмес. Айланадагы адамдардын ишеними мага күч болгондуктан акыры макулдугумду бердим" — деди Кыдырмышев.
WEF федерациясы 2,5 жыл ичинде 35 профессионалдуу беттеш өткөрүп, Sherdog аталышындагы белгилүү интернет-порталга катталган.
