БИШКЕК, 19-июл. — Sputnik. Бишкектеги Жогорку "Жал" кичи районунда курулуп жаткан көп кабаттуу үйдөн үч курулушчу кулап, бирөөсү каза тапты. Бул тууралуу Sputnik Кыргызстан агенттигине күбө билдирди.
© © видео очевидца, отправленное по Whats App-каналу
Анын айтымына караганда, окуя түшкө маал болгон.
"Бүгүн курулушчулар курулуп жаткан көп кабаттуу үйдүн 9-кабатынан кулап түшүштү. Буга чейин алар эч кандай коопсуздук эрежелерин сактабастан иштеп жатышканын байкаганбыз", — деди күбө.
Кырсык катталган көп кабаттуу үй
© © фото очевидца, отправленное по Whats App-каналу
Ал эми милиция кырсыктын болгонун ырастап, чакыруу 12.47де түшкөнүн маалымдады. Билдирмеге караганда, үч жумушчу кулап, бири каза болгон.
Эскерте кетсек, буга чейин "Жал" кичи районунда курулуп жаткан көп кабаттуу үйдүн боорунан курулушчулар кыл жип менен басып жүрүшкөнүн күбө видеого тартып жиберген.
