БИШКЕК, 19-июл. — Sputnik. "Ислам мамлекети" террордук уюмунун согушкерлери Сириядагы эч ким жашабай калган Расафа шаарындагы бир нече тарыхый объектилерге мина коюп кеткен. Бул туурасында РИА Новости шаардагы музей кызматкери Абдула Витарге таянуу менен билдирди.
Анын айтымында, согушкерлер тарабынан шаардын дарбазасына, Сергия чиркөөсүнө, чептерге жана мунараларга мина коюлган.
Мындан эки апта мурда Сирия өкмөтүнүн аскерлери Россия авиациясынын колдоосу менен бир жарым миң жылдык тарыхы бар байыркы шаар Расафаны "Ислам мамлекети" уюмунун согушкерлеринен толугу менен бошоткон.
Аталган аймакта азыр да кооптулуук сакталууда. Согушкерлер Сирия аскерлеринен 25 чакырым алыстыкта жайгашкан. Жакынкы күндөрү саперлор келип миналарды зыянсыздандыруу иштерин жүргүзө баштайт.
