БИШКЕК, 12-июл. — Sputnik. АКШнын Конгресси Мексика менен болгон чек арага дубал куруу үчүн 1,6 миллиард доллар бөлүүнү камтыган мыйзам долбоорун талкууга алып чыкты. Бул тууралуу РИА Новости Hill гезитине таянуу менен кабарлады.
Белгилей кетсек, Дональд Трамп шайлоо алдында эгер президент болуп калса Мексика менен чек арага дубал кураарын, дубал мыйзамсыз миграция менен кылмыштуулукту азайтаарын айткан.
"Дубал куруунун негизги максаты америкалыктардын коопсуздугу менен ата мекенди коргоо болуп саналат. Аталган каражат курулушту баштоого жумшалат", — деп жазылат маалыматта.
Буга чейин президенттин администрациясы дубалды куруу үчүн бюджеттен акча бөлүү сунушун алып чыгаары айтылган.
