Осмоналиев: cоюз учурунда ийгилик жаратуу кыйын эле
Учурда кыргыз спортчулары үчүн бардык мүмкүнчүлүктөр ачык. Бул тууралуу даңазалуу спортчу, оор атлетика боюнча олимпиаданын алтын медалынын ээси Каныбек Осмоналиев Sputnik Кыргызстан маалымат агенттигине берген маегинде билдирди.
"Союз учурунда СССРдин курама командасына кирүү, биринчиликти утуп, дүйнөлүк деңгээлге чыгуу өтө оор болгон. Ал учурда тартип темирдей эле. Негизи бардык нерсе адамдын өзүнөн болот. Азыр кыргыз спортчулары үчүн бактылуу учур. Спортто ийгиликке жетем десең, машыктыруучу айткандан көбүрөөк нерсе жасаганга үйрөнүшүң керек", — деди белгилүү спортчу.
