Айсулуу Тыныбекова Польшада өткөн турнирде экинчи болду. Беттештин видеосу

© AFP 2023 / JACK GUEZОлимпиада 2016. Вольная борьба. Женщины. Весовая категория до 58кг
Олимпиада 2016. Вольная борьба. Женщины. Весовая категория до 58кг - Sputnik Кыргызстан
Жазылуу
Финалдык кармашта Азиянын азыркы чемпиону далысындагы жаракатынан улам АКШдан келген атаандашына утулуп калды.

БИШКЕК, 9-июл. — Sputnik. Айсулуу Тыныбекова кыз-келиндер арасында Польшада өткөн Ziolkowski, Pytlasinski & Poland Open эл аралык турниринде экинчи болду. Бул тууралуу мелдештин расмий сайтында маалымдалды.

Варшава шаарында 7-июлда башталган мелдеш 9-июлда аяктайт. Анда жалпысынан 24 медаль ойнотулган.

Тыныбекова 58 килограммга чейинки салмак категориясында ат салышкан. Мелдештин биринчи күндөрү ал Литва, Белоруссия жана Германиядан келген атаандаштарын утуп алган. Финалдык беттеште ал америкалык Элен Марулис менен кездешкен. Беттеш учурунда Тыныбекова жаракат алып, оюн мөөнөтүнөн мурда токтотулган. Ошентип америкалык күрөшчү 9:0 эсебинде жеңишке жетти.

Кыргызстандын атынан аталган мелдешке Айпери Медет кызы (75 кг.), Мээрим Жуманазарова (69 кг.) жана Назира Марсбек кызы катышкан.

Жаңылыктар түрмөгү
0