БИШКЕК, 7-июл. — Sputnik. 12-июль күнү борбор калаада "Дунган сулуусу — 2017" сынагы өтөт. Бул тууралуу Маданият, маалымат жана туризм министрлигинен кабарлашты.
Билдирүүгө ылайык, иш-чараны "Кыргызстандагы дунган ассоциациясы" коомдук бирикмеси жана Дүйнөлүк сулуулар конгрессинин Кыргызстандагы өкүлчүлүгү уюштуруп жатат.
"Сынак Адеп, ыйман жана маданият жылынын алкагында, ошондой эле дунгандардын Кыргызстанда жашаганына 140 жыл болгондугуна карата уюштурулууда. Анда катышуучулар калыстар тобунун алдына бир гана сулуулугун даңазалабастан, кийген кийими менен айырмаланып, талантын, интеллектуалдык жөндөмүн да көрсөтүүгө тийиш", — деп жазылат маалыматта.
Белгилей кетсек, аталган сынак үч жылда бир уюштурулуп турат. Ал эми мелдештин жеңүүчүлөрү Кыргызстанды эл аралык сынактарда таанытмакчы.
