Жалал-Абадда элди бөлүп-жарып, диний ажырым салгандар кармалды

Жазылуу
Yandex newsTelegram
Колго түшүрүлгөн кишилердин үйлөрүн тинтүү учурунда диний экстремисттик мүнөздөгү адабияттар табылган

БИШКЕК, 6-июл. — Sputnik. Жалал-Абад облусунда "Хизб ут-Тахрир" диний экстремисттик уюмунун мүчөлөрү кармалды. Бул тууралуу ИИМ билдирди.

Маалыматка ылайык, ИИМдин башкы башкармалыгы Жалал-Абад шаардык ички иштер башкармалыгынын кызматкерлери менен биргеликте жүргүзгөн ыкчам-иликтөө иштеринин натыйжасында улут арасына бүлүк салган жана диний ажырымды шарттаган аракеттерди аныктаган. Мындан улам бул ишке шектелип төрт киши кармалган.

"Колго түшүрүлгөндөр Базар-Коргон жана Сузак райондорунун тургундары. Алардын үйлөрүн тинтүү учурунда диний экстремисттик мүнөздөгү адабияттар табылган", — деп жазылат маалыматта.

Аталган факты боюнча кылмыш иши козголду.

Жаңылыктар түрмөгү
0