Жогорку Кеңеш 12 млн. сомго үч камера сатып алмай болду

© Sputnik / Табылды КадырбековВидеооператор во время съемок
Видеооператор во время съемок - Sputnik Кыргызстан
Жазылуу
Парламенттин аппараты бул видеокамералар депутаттарга эмес, элге керек экенин айтты

БИШКЕК, 5-июл. — Sputnik. Жогорку Кеңештин аппараты жалпы баасы 12 миллион сомду түзгөн үч профессионалдык видеокамера сатып алууга ниеттенип жатканын Sputnik Кыргызстан агенттигине парламенттин маалымат кызматынын жетекчиси Ибраим Нуракун уулу билдирди.

Эскерте кетсек, 8-июнь күнү Мамлекеттик сатып алуулар порталына "Жогорку Кеңештин жыйындар залы үчүн жабдуу" сатып алуу тууралуу жарыя чыккан. Парламенттин өкүлүнүн айтымында, мында 12 миллион сомдук үч профессионалдык видеокамера жөнүндө сөз болууда.

"Бул көптөн бери эле пландалып келе жаткан. Жыйындар залында видеокөзөмөл гана орнотулгандыктан биздин түз алып берүү жана тарткандарыбыздын сапаты начар болууда. Алгач бааны укканда мен да таң калдым, бирок көз карандысыз эксперттердин пикиринен кийин бул кадыресе эле баа экенине ынандым", — деди Ибраим Нуракун уулу.

Город Бишкек - Sputnik Кыргызстан
Жогорку Кеңеш 560 миң сомго дарбаза сатып алат
Ал мындай кадам санарипке өтүүнүн алкагында да маанилүү экенин белгилеп, камералардын түрүн тактап айтуудан баш тартты.

"Камералар ачык-айкын болууга шарт түзөт. Келечекте мындай жабдуулардын башка залдарга да орнотууну көздөп жатабыз. Бул депутаттардын эмес, маалымат кызматтын демилгеси. Камера эл өкүлдөрүнө эмес, эң алгач жалпыга маалымдоо каражаттары менен коомчулукка керек", — деди ЖК өкүлү.

Камераларды орнотуп берүү боюнча жарыяланган тендерге катышуу үчүн "Лэвэл" (10 миллион 527 миң сом), "АПЕКС" (11 миллион 956 миң сом) жана "Sound KG" (9,9 миллион сом) компанияларынан билдирме түшкөн. Тендердин жеңүүчүсү качан аныкталары азырынча белгисиз.

Жаңылыктар түрмөгү
0