Атамбаев: эрте үйлөнүп алып жакшы окубай калгам
Келечектин пайдубалы мектептен түптөлөт. Бул тууралуу президент Алмазбек Атамбаев "Ала-Арча" резиденциясында жалпы республикалык тестирлөөдөн жогорку балл алган бүтүрүүчүгө алтын сертификат тапшырып жатып билдирди.
Мамлекет башчысы кыйынчылыктарга туруштук берип, тагдырга каршы туруу керектигин баса белгиледи.
"Мектептеги алган билимим кийинки тагдырыма чоң таасир эткен. Эрте үйлөнүп алып, жакшылап деле окубай калгам. Анткени Москва шаарында студент кезде көчө шыпырып иштегем", — деди президент.
Өлкө башчы жакыр үй-бүлөдөн чыкканын айтып, окуучу кезинде эле сугатчы болуп эмгектенгенин кошумчалады.
