БИШКЕК, 5-июл. — Sputnik. Бишкектин мэри Албек Ибраимов менен Москванын башчысы Сергей Собянин жолугуп ар тараптуу кызматташуу боюнча программага кол коюшту. Бул тууралуу Кыргызстандын Россиядагы элчилиги билдирди.
Маалыматка ылайык, 5-июлда Москвада Ибраимов менен Собянин шаарларды өнүктүрүү боюнча өткөн форумдун алкагында жолугушту.
Анда алар 2018-2020-жылдар аралыгында Бишкек мэриясы менен Москва өкмөтүнүн ортосундагы соода-экономикалык, илимий-теxникалык жана маданий кызматташууну ишке ашыруу боюнча программага кол коюшту.
Ошондой эле калаа башчылары "Акылдуу шаар" долбоорун иштеп чыгуу жана ишке ашыруу маселелерин талкуулашты.
