БИШКЕК, 1-июл. — Sputnik. Бишкектеги кыйылган бак-дарактар таарылып, отун катары аз камсыз болгон үй-бүлөлөргө таратылат. Бул тууралуу "Зеленстрой" муниципалдык ишканасынын жетекчи орун басары Вера Слесарева Sputnik Кыргызстан агенттигине билдирди.
Маалыматка ылайык, 1,5 жыл ичинде борбор калаада 3 837 бак кыйылган.
"Ал дарактар "Зеленстрой" ишканасынын кампаларына жеткирилет. Эгер суроо-талап болсо сатыкка коюлат. Былтыр 1200 куб метр отун аз камсыз болгон үй-бүлөлөргө таратылган. Мындан тышкары, шаардагы күнөсканаларды жылытуу үчүн отун катары пайдаланылган", — деди Слесарева.
Ишкананы өкүлү кампада өтө тыкыр көзөмөл жүрөрүн белгиледи.
