БИШКЕК, 1-июл. — Sputnik. Поезд жана автоунаа каттамдарынын коопсуздугун камсыз кылуу максатында 3-июлдан 16-июлга чейин Бишкек — Нарын — Торугарт автожолунун (131-чакырымы) Боом капчыгайында таштарды атайылап түшүрүү иштери жүргүзүлөт. Бул тууралуу "Кыргызтемиржолу" мамлекеттик ишканасы билдирди.
Маалыматка ылайык, саат 9:00дөн 17:00гө чейин автоунаа жолу маал-маалы менен жабылып турат.
"Жолдо 30-40 унаа чогулуп калса таштарды кулатуу иштери токтотулуп, Кайгуул милициясы тарабынан өткөрүлүп турат", — деп айтылат маалыматта.
Ишкана жетекчилиги түзүлгөн кырдаалга түшүнүү менен мамиле жасоого чакырат.
