Фестивалдын алкагында бир нече сынактар өткөрүлүп, жеңүүчүлөр сыйлыктарга ээ болорун Sputnik Кыргызстан агенттигинин кабарчысына район акиминин орун басары Ажар Дүйшөналиева билдирди.
"Фестивалдын алкагында "Мыкты шырдак", "Мурас шырдак" номинацияларына мыкты эмгектер тандалат. Ошондой эле тамак-аш, узун чачтуу уз кыздар, мектеп окуучуларынын кол өнөрчүлүгү, эко-мектеп, уютулган кийимдер жана этно буюмдардын арасында сынактар өтүп, масстер-класстар көрсөтүлөт. Шырдак фестивалына тандалган кол эмгектер алып келинген. Бул жердеги бардык шырдактар кой жүнүнөн, бардык эрежелер сакталып жасалган. Эколгиялык жактан таза буюм болуп саналат", — деди Дүйшөналиева.
Фестивалдын максаты — улуттук буюмдардын сап башында турган шырдакты даңазалоо, жайылтуу жана сатууну жогорку деңгээлде уюштуруу.
