Атактуу сүрөтчү Сальвадор Далинин фондусу анын сөөгүн каздырбоого аракет кылууда

© AP Photo / Dave PickoffИзвестный художник Сальвадор Дали
Известный художник Сальвадор Дали - Sputnik Кыргызстан
Жазылуу
НовостиTelegram
Пилардын айтымында, ошол кезде энесинин Дали менен анын досторунун үйүндө иштеп жүргөн кезинде байланышы болгон.

БИШКЕК, 28-июн. – Sputnik. "Гала-Сальвадор Дали" фондусу анын аталык генин аныкташ үчүн сөөгүн кайрадан казып, көмүү боюнча соттун чечимине арызданарын айтты. Бул туурасында РИА Новости жазды.

Мындан бир нече убакыт мурда Мадриддеги соттордун бири атактуу сүрөтчү Сальвадор Далинин аталыгын аныктоо үчүн сөөгүн эксгумациялоо боюнча чечим чыгарган. Сот мындай бүтүмдү Каталониядагы Жирона шаарынын жашоочусу, "көзү ачык" Пилар Абель Мартинестин берген арызынан улам кабыл алган. 59 жаштагы аял Дали анын атасы деп ишендирип, ДНК аркылуу тастыктоого ниеттенгендиги айтылат.

"Далинин фондусу сүрөтчүнүн сөөгүн каздырбоо максатында тосмо арыз менен доо даярдап жатат", — деп жазылган фондунун маалыматында.

Испаниялык сүрөтчү Анхель Каньястын эмгектери - Sputnik Кыргызстан
Испаниялык сүрөтчү жараксыз унаа дөңгөлөктөрүнөн түрдүү образдарды жаратууда
Пилар Абель Мартинес 1959-жылы Фигерас шаарында туулган экен. Анын айтымында, ошол кезде энесинин Дали менен байланышы анын досторунун үйүндө иштеп жүргөн кезинде болгон. Кийин 1955-жылы аял Кастельон-де-Ампуриаска көчүп кетип, турмушка чыгып, бир аз убакыттан кийин Пилар жарык дүйнөгө келген. Анын айтымында, бул маалыматты өгөй атасынын энесинен уккан.

Сальвадор Дали 1989-жылы январда 85 жашында дүйнө салган. Сүрөтчү керээз катары сөөгүн Фигерас (Каталония) шаарындагы өзүнүн театр-музейинин биринин бөлмөсүнүн ичине көмдүргөн. Мунусун ал эл келип, тооп кылып турат деп түшүндүргөн.

Ал эми "Гала-Сальвадор Дали" фондусу 1983-жылы түптөлгөн.

Жаңылыктар түрмөгү
0