Матмусаев: жыл башынан бери баңгизатка байланыштуу 600дөй кылмыш аныкталган
Жыл башынан бери баңгизатка байланыштуу 600гө чукул кылмыш аныкталды. Бул тууралуу Баңгизаттарды мыйзамсыз жүгүртүүгө каршы күрөшүү кызматынын жетекчисинин орун басары Бакыт Матмусаев Sputnik Кыргызстан радиосуна маек куруп жатып билдирди.
Анын айтымында, Чүй, Ысык-Көл жана Токтогул аймагында өскөн кара куурайлар жок кылынууда.
"Үстүбүздөгү жылдын беш айынын ичинде 6 килограммдан ашык апийим, 94 килограмм нашаа, 42 килограммдан ашуун героин, 220 килограммдан ашуун кара куурай жана Чүй, Ысык-Көл, Токтогулда өскөн кара куурайлар жок кылынды", — деди Матмусаев.
Ал өлкө боюнча баңгизат колдонуп учетко тургандардын саны 8,5 миңге жеткенин кошумчалады.
