БИШКЕК, 25-июн. — Sputnik. Бишкекте рулда бараткан 14 жашар айдоочу жол кырсыгына кабылып, беш киши жабыркады. Бул тууралуу Бишкек шаардык Кайгуул милиция башкармалыгынан кабарлашты.
Авария 24-июнда түнкү саат 23.00дөрдө катталган. Toyota Camry үлгүсүндөгү унааны өспүрүм бала Горький көчөсү менен айдап бараткан. Ал Жукеев-Пудовкинге кайрылганда Mazda Premacy унаасын кагып алган.
Кырсыктын кесепетинен беш адам жабыркаган. Унаа айып короого токтотулду. Учурда тергөө иштери жүргүзүлүүдө.
