БИШКЕК, 24-июн. — Sputnik. Окумуштуулар канаттуулардын жумурткасынын формасы эмнеден көз каранды болорун аныкташты. Бул тууралуу РИА Новости Science журналына таянуу менен жазып чыкты.
АКШнын Принстонск университетинин окумуштуусу Мэри Касвеллдин айтымында, иликтөө үчүн атайын программа колдонулган.
"Иликтөөнүн жыйынтыгы боюнча канаттуулардын учушу жумуртканын көлөмүнө жана формасына таасир берээри аныкталды. Мисалы жакшы учкан канаттуулардын жумурткасы асимметриялык формада болот", — деди Касвелл.
Изилдөөгө жер планетасындагы канаттуулардын 1400 түрүнүн 50 миң жумурткасынын сүрөттөрү колдонулган.
