БИШКЕК, 24-июн. — Sputnik. Мексикада жигити чогуу жашап жүргөн кызын элдин көзүнчө бычактап салды. Бул тууралуу РИА Новости жазып чыкты.
Маалыматка ылайык, окуя Plaza Fiesta соода борборунун жанында болгон.
"Жуптар акчанын айынан урушу кетип, кыз жигитине башка эркек тапкандыгын айткан. Кабарды уккан киши ачууга алдырып, кызды элдин көзүнчө мууздап салган", — деп жазылат маалыматта.
Кызды мууздаган адам качууга аракет кылганда соода түйүндүн күзөт кызматы кармап калган.
