БИШКЕК, 24-июн. — Sputnik. Сауд Аравиянын полициясы Мекке шаарындагы Аль-Харам мечитинде жардырууну алдын алды. Бул тууралуу BBC жазып чыкты.
Маалыматта полиция кызматкерлери жан кечти жайгашкан имаратты курчоого алган учурда ал өзүн-өзү жардырып жиберген.
"Жардыруудан имарат урап, 11 адам жаракат алган. Алардын катарында күч түзүмдөрүнүн кызматкерлери да бар", — деп жазылат кабарда.
SPA маалымат агенттигинин кабарлашынча, террорчуну полиция курчоого алып, атышуу болгон.
Эске сала кетсек, Аль-Харам мечитинин ичинде улуу Кааба бар.
