Акыйкатчыны иштен алуу боюнча жаңы механизмдер сунушталууда

Жазылуу
Мыйзам долбоору биринчи окууда жактырылып, коомдук талкуу өттү.

БИШКЕК, 24-июн. — Sputnik. Акыйкатчыны иштен алуу боюнча жаңы механизмдер сунушталууда. Аталган нормалар камтылган мыйзам долбоору боюнча коомдук талкуу өткөнүн парламенттин маалымат кызматы билдирди.

Демилгечилердин бири Алмамбет Шыкмаматов мыйзам долбоорунда акыйкатчынын жаш курагынын чегин алып салуу, акыйкатчы менен анын орун басары антын бузган учурда алардын ыйгарым укуктарын мөөнөтүнөн мурда токтотуу механизмдери каралганын белгиледи.

"Иштеп жаткан мыйзамда акыйкатчынын ыйгарым укуктары анын ар жылдык отчету парламент тарабынан жактырылбаган учурда мөөнөтүнөн мурда токтотулат. Ошондон улам, мыйзам долбоорунун демилгечилери аларды кызматтан бошотуунун жаӊы механизмдерин сунуштоодо", — деди Шыкмаматов.

Эскерте кетсек, мыйзам долбоору биринчи окууда жактырылган.

Жаңылыктар түрмөгү
0