БИШКЕК, 22-июн. — Sputnik. Мамлекеттик Думанын Коргонуу комитетинин жетекчиси Владимир Шаманов РИА Новости агенттигине Россиянын Сирияга Кыргызстандын жана Казакстандын аскерлерин киргизүү боюнча сүйлөшүүлөр жүрүп жатканын тастыктады.
Мурдарак түрк президентинин өкүлү Ибрагим Калын Россия Сирияга аталган эки өлкөнүн аскерлерин киргизүү сунушун айтканын билдирген.
"Учурда Кыргызстан жана Казакстандык кесиптештер менен бул маселени сүйлөшүү процесси башталып жатат. Бирок акыркы чечим кабыл алына элек", — деди Шаманов.
Астанадагы 3-4-майдагы сүйлөшүүлөр маалында Сириядагы абалды жөнгө салууга кепилдик кылган мамлекеттер (Россия, Иран, Түркия) Сирияда төрт деэскалация аймагын түзүү боюнча меморандумга кол коюшкан.
Шамановдун айтымында, бул документ кепилдик-өлкөлөргө өз аскерлерин Сириянын аймагына киргизүүгө мүмкүнчүлүк берет.
