БИШКЕК, 21-июн. — Sputnik. Өзгөн шаарында улуттар аралык ынтымакты чыңдоо максатында айт намазы алгачкы жолу аянтта окулат. Бул тууралуу Sputnik Кыргызстан агенттигине вице-мэр Мухаммед Макешов билдирди.
Анын айтымында, бул демилгени Өзгөн шаардык мэриясы көтөрүп чыкты.
"Айт намаз аянтта 1990-жылдарга чейин окулчу экен. Бирок, 1990, 2010-жылдардагы Ош окуяларынан кийин намазды аянтта окуу токтотулган", — деди Макешов.
Мындан сырткары, Өзгөн шаарынын активдүү жаштары улут аралык ынтымакты чыңдоо максатында атайын акция уюштурган. Иш-чараны уюштурууга Кайгуул милициясы көмөк көрсөтүп, алар токтоткон унаалардын айдоочуларына жаштар белектерди тапшырып, ынтымакка үндөштү.
