БИШКЕК, 21- июн. — Sputnik. "Ислам мамлекети" террордук уюмуна тиешелүү согушкерлер Филиппиндин түштүгүндөгү мектептердин бирине кол салды. Бул туурасында РИА Новости Рейтер агенттигине шилтеме кылып кабарлады.
Полициянын маалыматына караганда согушкерлер бир нече окуучуну барымтага алган. Агенттик жабырлангандар туурасында маалыматтар азырынча түшө электигин жазды.
Май айында Филиппин президенти Родриго Дутерте армия менен согушкерлер кагылышкандан кийин Минданао провинциясында аскердик абал киргизген. Учурда кырдаал курчуган аймак — Марави шаары болуп турат. Калаадагы калабага 500гө чукул террорчулар катышканы айтылган. Кечээ армия бул аймакка чабуулун кайрадан жаңылап жасаган.
Дүйшөмбүдөгү маалыматтарга караганда, армия менен болгон кагылышуу төрт аптадан бери созулуп келет. Бул мезгил ичинде 26 жай жаран, 62 аскер жана 257 согушкер каза тапкан.
