Таш-Көмүр: жетим калган 5 бир туугандын тамтыгы чыккан үйү жаңыланды

© Sputnik / Григорий Сысоев / Медиабанкка өтүүКуруучулар. Архив
Куруучулар. Архив - Sputnik Кыргызстан
Жазылуу
Жетим балдардын үйүн оңдоого кайрымдуулук фонддор жана калаа тургундары көмөк көрсөткөн

БИШКЕК, 19-июн. — Sputnik. Таш-Көмүр шаардык хатибияттын кароосунда турган жетим балдардын турак жайын кайрымдуулуктан чогулган каражатка оңдоп беришти. Бул тууралуу муфтияттын маалымат кызматы кабарлады.

© Фото / пресс-служба ДУМКБалдардын атасы мындан беш жыл мурун каза болуп, апасы таштап кеткен
Балдардын атасы мындан беш жыл мурун каза болуп, апасы таштап кеткен - Sputnik Кыргызстан
Балдардын атасы мындан беш жыл мурун каза болуп, апасы таштап кеткен

Билдирмеге ылайык, шаардык хатибияттын демилгеси менен ата-энесиз калган беш бир туугандын эскилиги жетип урап калуу алдында турган төрт бөлмөлүү үйү оңдоп-түзөөдөн өткөрүлгөн. Ага кайрымдуулук фонддор жана кайдыгер карабаган калаа тургундары жардам көрсөтүшкөн.

Муфтияттын маалыматына ылайык, балдардын атасы 2012-жылы дүйнөдөн өтүп кеткен. Ал эми апасы балдарын таштап кетип калган. Кароосуз калган балдар 2014-жылдан бери Таш-Көмүр шаар хатибиятынын камкордугуна алынган. Бир туугандардын улуусу 17де болсо, кичүүсү 7 жашта.

Жаңылыктар түрмөгү
0