Атабаев: кадыр түндө өлкөнүн бардык мечиттеринде баяндар айтылат
Кадыр түндө өлкөнүн бардык мечиттеринде баяндар айтылат. Бул тууралуу Sputnik Кыргызстан радиосуна муфтияттын маалымат катчысы Максат Атабаев билдирди.
Ал аталган түндү туура өткөрүү маанилүү экенин баса белгиледи.
"Кадыр түндө өлкөнүн бардык мечиттеринде баяндар айтылып, лекциялар окулат. Андыктан жарандар бул түндү мечиттен өткөрсө болот. Негизи бул түндө дуба кылып, шарият көрсөткөндөй өткөрүү керек", — деди Атабаев.
Ал кадыр түн быйыл 21-июндан 22-июнга караган түнү болорун кошумчалады.
