БИШКЕК, 19-июн. — Sputnik. Ички иштер министрлиги Россиядагы өкүлүн алмаштырып, эми бул кызматты милициянын полковниги Раим Салимов аркаламай болду. Бул тууралуу аталган министрликтин маалымат кызматы билдирди.
Эскерте кетсек, Салимовго чейин бул жумушта Аскат Алиев иштеп келген.
"Алиев Кыргызстандын өкүлү катары КМШ аймагында уюшкан кылмыштуулукка каршы күрөш иштерин координациялоо боюнча бюронун директорунун орун басары болуп дайындалды", — деп жазылат маалыматта.
Ал эми Салимов ИИМдин 10-башкы башкармалыгынын жетекчисинин орун басарлыгын аркалап келген.
