Аманова: чай ашказандагы тамакты эритпей эле жууп кетет
Чай ашказандагы тамакты эритпей эле жууп кетет. Бул тууралуу "Тамак-аш жана азык-түлүк коопсуздугун жакшыртуу үчүн жарандык альянсы" бирикмесинин катчысы Калида Аманова Sputnik Кыргызстан радиосуна маек куруп жатып билдирди.
Анын айтымында, туура тамактануу ден соолук үчүн өтө маанилүү.
"Айылдарда жумуртка, сүт, каймактарды сатып, өзүбүз карандай чай жана нан менен түштөнөбүз. Чай ошол нанды жакшы эритпей эле жууп кетет. Андыктан чайды жок эле дегенде бир сааттан кийин ичиш керек", — деди Аманова.
Ал чайдын ордуна суу ичүү жакшыраак экенин кошумчалады.
