БИШКЕК, 18-июн. — Sputnik. Жалал-Абад шаардык кеңешинин депутаттарына 19-июнь күнү мандат берилет. Бул тууралуу Борбордук шайлоо комиссиясынын дубандагы өкүлү Дамир Жүндүбаев аймактык кабарчыга билдирди.
Маалыматка ылайык, чечим БШК тарабынан 16-июнь күнү чыккан. Эми ушул күндөн тарта 14 күн ичинде шаардык кеңеш сессияга чогулушу керек. Шайлоого 7 партия катышкан.
Эскерте кетсек, өткөн жылдын 11-декабрында өткөн жергиликтүү кеңешке шайлоосунан утуп чыккан партиялар ич ара келише албай, натыйжада тарап тынышкан. Анын айынан шаардын бюджети бекитилбей, мэр шайланбай турат.
Жалал-Абад шаардык кеңешинде 31 депутаттык орун бар.
