БИШКЕК, 18-июн. — Sputnik. "Ата Мекен" партиясынын лидери Өмүрбек Текебаевдин талапкерлигин президенттикке көрсөтүү боюнча документтер БШКга ишемби күнү тапшырылгандыгын депутат Алмамбет Шыкмаматов Sputnik Кыргызстан агенттигине билдирди.
"Документтерди кечээ Борбордук шайлоо комиссиясына жөнөттүк. Эртең маалымат жыйынын өткөрүп, коомчулукка билдирүү жасайбыз", — деди Шыкмаматов.
"Ата Мекен" партиясы 5-марттагы съездинде өз лидерин президенттикке көрсөтөрүн чечкен. Учурда Текебаевдин иши сотто каралууда.
Буга чейин Борбордук шайлоо комиссиясына президенттикке ат салыша тургандардан биринчи болуп "Лига — Антикризис" коомдук бирикмесинин төрагасы Назарбек Нышанов арыз берген.
